O pasado 10 de maio, vivimos xuntos un deses momentos que deixan pouso. Acompañados de rostros amigos, lembranzas vivas e ilusións compartidas, celebramos o acto de presentación pública da Fundación Sergio Villar. Un encontro que foi, sobre todo, unha mostra de afecto colectivo e un primeiro paso para seguir sementando futuro.
Ao longo da tarde, tivemos ocasión de compartir as razóns que nos levan a poñer en marcha esta iniciativa: o compromiso cunha sociedade máis xusta, a defensa da cultura como motor de transformación e a vontade de manter viva a pegada de Sergio a través de proxectos que conecten, que emocionen e que sumen.
Houbo palabras que agromaron dende o corazón, música que nos uniu sen falar, e unha emoción que percorreu a sala en silencio e aplausos. Tamén houbo agradecementos, moitos, porque sabemos que sen o apoio da comunidade, das persoas e entidades que nos rodean, esta fundación non tería sentido nin camiño.
Grazas a todas as que estivestes, en corpo ou pensamento. Esta viaxe só acaba de comezar, e contamos con vós para facela xuntos.
Escola Superior de Náutica e Máquinas – UDC
Acto de presentación completo https://www.youtube.com/watch?v=w_35WKAacxg&t=3609s
Presentación e agradecementos https://www.youtube.com/watch?v=wINzQEWLbrU https://www.youtube.com/watch?v=qMiRkKsd9fg
Actuación de Martín Bucki:
Presentación dos proxectos:
Quendas de palabra:
